काठमाडौं,माघ २६ । जुम्लाको तिला गाउँपालिका वडा न ७ पोर्खी गोठी गाउँमा गत माघ १३ गते लागेको आगलागीका पिडितलाई सहयोग हस्तान्तरण गरिएको छ ।

नेपाल बिद्यार्थी संघ जुम्लाका नेता तथा सिन्जा बहुमुखी क्याम्पसका स्वबियु सभापती अमर सिंह खत्री र नेपाल तरुण दलका नेता बिकास साहीको पहल तथा जङ्ग रोकाया र हरि रोकायको सहजीकरणमा आईतबार सहयोग हस्तान्तरण गरिएको हो ।

घटनास्थलमा उपस्थित भइ पिडितलाई ३० थान सिरकडसना,३० पिस तन्दा र सिरानी तथा २३ बोरा चामल बितरण गरिएको थियो ।

जुम्ला जिल्ला सग जोडिएका र अन्य सेवारुपी मनहरुको सहयोगमा राहत संकलन अभियान सुरुवात गरिएको थियो ।

स्वबियु सभापति अमर सिंह खत्रीले साझा डबली सग कुरा गर्दै
भने “तत्कालको परिस्थिति लाई सहज बनाउन सानो सहयोग गरेको हौ अन्य सहयोग जुटाउने अभियानमा छौ , हाम्रो अभियानलाई साथ दिने सेवारुपी हातहरु प्रति आभारी छु । साथै सुचना सम्प्रेषण गरी सहयोग गर्नुहुने साझा डबली यूनिटलाई बिशेष धन्यवाद ” ।

गत माघ १३,१४,१५ गते दिन सम्म चलेको आगलागी बाट २६ वटा घर जलेर नष्ट भएका थिए भने ४००००० बराबरको क्षति भएको थियो । ठुलो मानवीय क्षति नभए पनि घाईते भएका केही ब्यक्तिहरु हेलिकप्टर बाट उद्धार गरिएको थियो ।