आज तिज कता जाँदै छ दिदी बहिनी हो !
पहिले तिज माइती घरमा आमाबुबा ,दिदि बहिनी दाजु भाइसंग बसेर दुःख सुख साटेर आफ्नै घर आगनमा खोलेफाडो खाएर नाचेर मनाईने तिज पर्व ,
आज तिजको नाममा महिना दिन अगाडि देखि ठुलठुला होटल र पार्टी प्यालेसमा किन तिजको नाममा फजुल खर्च गर्न हामी महिला दिदी बहिनीहरु अग्रसर छौ!
के साच्चै हामी महिलाहरु तिजको दर खाने नाममा एउटा कार्यक्रमबाट अर्को कार्यक्रममा जादा ४/५ वटा सारी गहना फेरेर जानेको लागि मात्रै होत तिज पर्व !
तपाईं हामीले सोच्ने बेला आएको छ !
पार्टी प्यालेसमा बियर र हुस्कीको बोतल नचाउदै आफ्नो शरीर नै थाम्न नसकेर हल्लिएर मनाउने साच्चै त्यो तिज पर्व होत!
दिदि बहिनीहरुले सोच्नु पर्दैन र !
हामी जस्तै एक छाक खाना नपाउने चेलीबेटीहरु लाई तिज पर्व आउदैन होला र !
समाजमा यस्तै खालको हुने खाने र हुँदा खाने बीचमा भएको प्रतिस्पर्धा र देखासेखिको कारण महिलाहरुले आज आत्मा हत्या गर्न बाध्य भएका छ्न, धर्म परिवर्तन गर्न बाध्य भएका छ्न ।
तिज पर्बको नाममा लाखौं फजुल खर्च छुटाउन सक्ने जनप्रतिनिधि भनौदाहरुले सोच्नु पर्दैन ?
त्यो फजुल गर्ने खर्च बरु एक बर्षमा सबै स्थानीय तहमा एउटा एउटा आत्मनिर्भर बन्ने महिलाहरुलाई सीप सिकाउ,
उद्योगधन्दा खोला उसलाई एक छाक खाना नपाउने महिलाहरुलाई रोजगारीको ज्ञारेन्टि गर !
अर्को साल अर्को सीप सिकाउ उधोगधन्दा कलकारखाना खोल कम्तीमा बर्षमा एउटा स्थानीय तहमा १० जना महिलाहरुलाई रोजगारीको ज्ञारेन्ट्री गर्दिए एक छाक खाना र एक सरो लाउन नपाएका महिलाहरुले आत्मा हत्या गर्नु पर्दैन थियोे होला।
आखिर तिमी त्यहाँ पुग्नको लागि त त्यही एक छाक खाना नपाउने महिला दिदिबहिनीहरुले दिएको एक भोटको महत्त्वले गर्दा हैन र ?
खै त : आज ऊनीहरुलाई कुनै तिजको दर खाने कार्यक्रममा बोलाएको देखिएन्न नि ?
ठुलठुला गहना र रिमिझिमी पहिरणमा रमाउन सक्ने पहुच भएकाहरु मात्रै सहभागी गराउनको लागि सरकारी ढुकुटी रिताउनको लागि मात्रै हो त तिज पर्व ,
अधिकारको नाममा हामीले समाजमा बिकृती ल्याउने गरि चाड पर्ब नमनाउ समाजमा नयाँ पुस्तालाई आफ्नो संस्कार र संस्कृतिको संरक्षण गर्न सिकाउ देखासेखी र आडम्बरीलाई त्यागौं आफ्नो संस्कार र संस्कृतिको जगेर्ना गरौ ।
सम्पूर्ण महिला दिदिबहिनीहरुलाई हरितालिका तिज २०८० को हार्दिक मंगलमय शुभकामना छ।