धनुषा । स्रोत नखुलेको २० लाख ५० हजार रुपैयाँ नगदसहित एक जना भारतीय नागरिकलाई धनुषा प्रहरीले पक्राउ गरेको छ ।
विशेष सूचनाका आधारमा जिल्ला प्रहरी कार्यालय र प्रहरी चौकी जनकपुरको टोलीले जनकपुरधाम उपमहानगरपालिका वडा नम्बर ४ स्थित सडकबाट भारतीय नागरिक राजेश साहलाई पक्राउ गरेको हो ।
उनले बोकेको झोला समेतको खानतलासी गर्दा १ हजार दरको नोट १८५० थान र ५ पाँच सय दरको नोट ४०० थान गरी जम्मा बीस लाख पचास हजार रुपैयाँ फेला परेको धनुषा प्रहरीले जनाएको छ ।
उनलाई आवश्यक कारबाहीको लागि आजै भन्सार कार्यालय जनकपुरमा पठाइएको छ ।