मानव जीवनमै पहिलो पटक एक बच्चा जन्माउन दुई विपरीत लिङ्गीको आवश्यकता पर्छ भन्ने मान्यतालाई पछार्दै तीन व्यक्तिको जैविक मिश्रणबाट एक बच्चाको जन्म भएको छ । युक्रेनमा तीन जनाबाट एक बच्चाको जन्म भएको छ । तीनजनाको आईवीएफ (इन विट्रो फर्टिलाइजेशन)बाट एक बच्चाको जन्म भएको हो । जुन दम्पत्तिबाट बच्चाको जन्म भएको छ, उनीहरु बच्चा जन्माउन असमर्थ थिए । द टाइम्सको रिपोर्टका अनुसार युक्रेनको राजधानी किभमा डाक्टरहरुले जुन प्रक्रिया प्रयोग गरे, यसलाई ‘प्रोनुक्लियर ट्रान्सफर’ भनिन्छ ।

आईवीएफ प्रजनन महिलाको शरीरको बाहिर सम्पन्न हुन्छ । यसलाई महिलाको डिम्बलाई सर्जरीबाट बाहिर निकालिन्छ र प्रयोगशालामा स्पर्मको माध्यमबाट प्रजनन गरिनेछ । युक्रेनमा यो बच्चाको जन्म ५ जनवरीमा भएको हो । यसलाई विश्वको दोस्रो ‘मोर्डन थ्री प्यारेन्ट्स बेबी’ भनिएको छ । यो वर्ष मेक्सिकोमा यसभन्दा केही फरक तरिकाले तीनजनाबाट एक बच्चाको जन्म भएको थियो ।

समाचारहरुमा जनाइअनुसार महिला गम्भीर आणुवांशिक समस्याबाट पीडित थिए । उनी मिटोकोन्ड्रियाबाट पीडित थिइन् । यस्तोमा डाक्टरले उनलाई सहयोग गर्न तीन जनाको आईवीएफ विकसित गरे, जसमा एक स्वस्थ बच्चाको जन्म हुन सकोस् । अस्वस्थ मिटोकोन्ड्रिया भएकी आमाको डिम्बसँग एक स्वस्थ मिटोकोन्ड्रिया डोनरको डिम्बलाई एकत्रित गरिएको छ ।

यसको परिणाम, तीन जनाको डीएनएबाट एक बच्चाको जन्म भयो, जसमा उसकी आमा, बुबा र थोरै योगदान डोनरको रहृयो । किभको नाडिया क्लिनिकले यस विधिको प्रयोग गरेर एक निसन्तान दम्पतीलाई सन्तान दिलाउन सफल भएको छ ।

विशेषज्ञहरुले यसलाई एक उच्चस्तरीय प्रयोग भनेका छन् । यो प्रक्रियाको अगुवाइ गरेका बलेरी जुकिनले भनेका छन् कि परम्परागत आईवीएफबाट गर्भाधारण गर्न नसकेका दम्पतीहरुका लागि यो खुसीको खबर भएको बताए । – साझा सवालबाट