काठमाडौं, भदौ २४। प्रधानसेनापति पूर्णचन्द्र थापाले नेपाली सेनामा देखिएको विकृति निर्मूल पार्न झन कठोर उने बताएका छन । उनले औपचारीक कार्यक्रममै सकल दर्जालाई सचेत गराएका हुन । जङ्गी अड्डाबाट सकल दर्जालाई सम्बोधन गर्दै सेनापति थापाले आफ्नो एक वर्षे अनुभव समेत सुनाएका थिए ।
नेपाली सेनाको कमाण्ड सम्हालेको एक वर्ष पुगेको अवसरमा उनले जर्जर महलको तीन वर्षे हाकिम भएर विदा हुनुभन्दा सुरुमै आवश्यक मर्मत सम्भार गर्नुपर्छ भनेर आफूले सुधार अभियान थालेको बताए । परम्परागत शैलीबाट संगठन चलाउन नहुने भन्दै उनले समस्याहरुको भूमरीमा परी टाउकोमा हात राखेर बस्नुपर्ने वबस्था अन्त्य गर्नुपर्ने बताएका छन ।
शान्ति सेनाको कोटाबारे आफूले चालेको कदम चुनौतीपूर्ण भएपनि सेनामा घट्दो आकर्षणलाई रोक्न एक मात्र विकल्प भएकोमा उनले जोड दिएका छन । केही घाउका रुपमा अवशेष र क्यान्सर बाँकी रहृयो भने त्यसले नेपाली सेनालाई सदा दुःख दिइरहने उनको भनाई छ ।