काठमाडौँ, पुस १७ । साताको तेस्रो दिन मंगलबार पनि आइतबार, सोमबार झैँ नेपाली सुन बजारमा छापावाल सुनको भाउ स्थिर रहेको छ ।
गत हप्ता शुक्रबार र अघिल्लो दिन सोमबार, आइतबार नेपाली सुन बजारमा छापावाल सुन प्रति तोला ५९ हजार ७ सयमा कारोबार भएको थियो ।
मंगलबार पनि नेपाली सुन बजारमा छापावाल सुन प्रति तोला ५९ हजार ७ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।
त्यसैगरी मंगलबार तेजाबी सुन प्रति तोल ५९ हजार ४ सय रुपैयाँमा कारोबार भएको छ ।
त्यसैगरी शुक्रबार, आइतबार, सोमबार झैँ मंगलबार पनि चाँदीको मूल्य स्थिर रहेको छ । मंगलबार चाँदी प्रतितोला ७ सय ४५ कारोबार भइरहेको महासंघले जनाएको छ ।