पोखरा, पुस ७ । राजा ज्ञानेन्द्र शाह यतिबेला पोखरा भ्रमणमा ब्यस्त छन् । औपचारिक कार्यक्रम तालिका सार्वजनिक नगरिकनै उनी विभिन्न कार्यक्रमहरुमा सहभागी भैरहेका छन् । शनिवार उनले विन्ध्यावासिनी मन्दिरमा पुजा गरे ।

सवा ११ बजे पुजाको कार्यक्रम भनिएपनि उनी केही ढिलो गरि मन्दिर पुगेका थिए । पूर्वराजाले शनिवार विन्ध्यावासिनी आउजाउ गर्दा आँफैले गाडी हाँके । अघिपछि पूरै प्रहरीको स्कर्टिङ थियो । रातो ज्याकेटमा देखिएका ज्ञानेन्द्रले आफ्नो गाडी आँफै हाँकिरहेका थिए ।

मन्दिर जाँदा उनी अधिकांश आँफै गाडी चलाउने गर्छन् । ‘सरकारले कहिलेकाहीँ आफै चलाउनुहुन्छ ।

पोखरामा पनि दर्शन गर्न जाँदा आँफैले गाडी हाँक्नुभयो, शिवसेना नेपालका अध्यक्ष अनिल बस्नेत भन्छन्–आफ्नो ठाउँ भएर कन्फिडेण्ट लागेको होला । वहाँ खुशी हुनुहुन्छ ।’ शाह पुजा सकेर पुनः दोविल्ला फर्किएका छन् ।