काठमाडौं / अमेरिकी राष्ट्रपति डोनाल्ड ट्रम्प र चिनियाँ राष्टपति सी जिनपिङबीच भेट भएको छ।
हात मिलाएपछि डोनाल्ड ट्रम्प र सी जिनपिङले आफ्नो द्विपक्षीय बैठक सुरु गरेका छन्।

भेटमा दुई महाशक्तिबीच निरन्तर व्यापार युद्ध अन्त्य गर्न सक्ने सम्झौताबारेमा छलफल गर्ने अपेक्षा गरिएको छ।

द्विपक्षीय बैठकमा प्रवेश गर्नुअघि संक्षिप्त प्रतिक्रिया दिँदै ट्रम्पले सीसँगको बैठक सफल हुने अपेक्षा गरेको बताए। दुवै पक्षबीच सधैं राम्रो सम्बन्ध रहेको पनि उनले बताए।

यस्तै जवाफमा सीले ट्रम्पलाई देख्न पाउँदा खुशी लागेको बताए।

दुई नेताबीच अन्तिम पटक २०१९ मा जापानको ओसाकामा भएको जी२० शिखर सम्मेलनमा भेट भएको थियो।