धनगढी / नेपाल कम्युनिस्ट पार्टीले पार्टी केन्द्रीय सदस्य एवम् बझाङ जिल्ला इन्चार्ज भरत सी र विद्यार्थी नेता कमललाई प्रहरीले पक्राउ गरेको घटनाप्रति निन्दा र भत्सर्ना गर्दै अबिलम्ब रिहाई गर्न माग गरेको छ।नेकपा सुदुरपश्चिम इन्चार्ज भरत सी( रणवीर)ले सोमबार एक प्रेस बिज्ञप्ति जारी गरि यस्तो माग गरेका हुन् ।

जारी बिज्ञप्तिमा स्थानीय निर्माण व्यावसायीसङ्ग भएको सामान्य बिबाद र त्यसपछि उक्त विवादको समाधान भैसकेको सन्दर्भमा भरत र कमललाई २१ गते बझाङको झोताबाट गिरफ्तार गरिएको भन्दै रिहाईको माग गरिएको छ।

बिज्ञप्तिमा समाधान भैसकेको बिषयलाई थप जटिल बनाएमा त्यसको मूल्य चर्को पर्ने भन्दै चेतावनी समेत दिइएको छ।