पोखरा कात्तिक १८ । कास्की क्षेत्र नं २ प्रतिनिधि सभा सदस्यका लागि विवेकशील नेपाली दलको तर्फबाट उम्मेदवार घोषणा गर्ने भएको छ । विवेकशील नेपाली दल सङ्घीय समितिको कार्तिक १८ र १९ गते पोखरामा हुने बैठकले उप निर्वाचनका लागी उमेद्वार घोषणा गर्ने भएको हो ।

कार्तिक १९ गते चिप्लेढुङ्गा, पोखरामा रहेको चिनारी थकाली भान्छा घरमा उम्मेदवार घोषणाको औपचारिक कार्यक्रम गरी उम्मेदवारको नाम सार्वजनिक गरिने विवेकशील नेपाली दलका नीति सचिव सन्जिव भट्टराईले जानकारी दिए ।
सु–संस्कृत वैकल्पिक राजनीतिको सूत्रधार विवेकशील नेपाली दलले राष्ट्रिय राजनीतिमा वैकल्पिक अभ्यास स्थापित गर्ने रणनीतिक लक्ष्य सहित “सामान्य मानिसको असामान्य राजनीति” को नजिर बस्ने गरी उप निर्वाचनमा होमिने निर्णय गरेको विवेकशील नेपाली दलले जनाएको छ ।

गत फागुन १५ गते पर्यटन मन्त्री रवीन्द्र अधिकारीको हेलिकप्टर दुर्घटनामा परि निधन भएको थियो । उनको निधनपछि रिक्त कास्की २ मा मंसिर १४ मा उपनिर्वाचन हुँदैछ ।