काठमाडौं, कार्तिक ८। मंसिर १४ गते हुने उप–निर्वाचनको मिति नजिकिएसँगै पाँचथरको राजनीति निकै गर्माएको छ । दलहरुले एक पछि अर्को गर्दै उम्मेद्वारको टुंगो लगाईरहेका छन् ।

पाँचथरमा एक गाँउपालिका अध्यक्ष र दुई वडाध्यक्षका लागि चुनाब हुने भएको छ । फाल्गुनन्द गाँउपालिकाको अध्यक्ष सहित फिदिम नगरपालिका १ र हिलिहाङ गाँउपालिका ७ को वाडाध्यक्षका लागि चुनाब हुने भएको हो । पालिका अध्यक्षको चुनाब हुने भएपछि वडा अध्यक्षको चुनाव हुने फिदिम १ र हिलिहाङको ७ को भन्दा फाल्गुनन्दको राजनीति निकै तातेका हो ।

यसअघिको निर्वाचनमा फाल्गुनन्द गाँउपालिको अध्यक्ष सहित अधिकांश वडामा काँग्रेसले जिते हात पारेको थियो । पालिका अध्यक्ष अमरकुमार नेम्वाङको निधन भएपछि यहाँ उप–निर्वाचन हुने भएको हो । उक्त स्थानमा नेपाली काँग्रेसले जिल्ला सचिव बृजहाङ आङ्देम्बेलाई अध्यक्षको उम्मेद्वार बनाएको छ । सालिन व्यत्तित्वको पहिचान बनाएका आङ्देम्बेलाई काँग्रेसले उम्मेद्वार बनाएपछि उनको व्यत्तित्व र राजनीतिक इतिहाँसको बारेमा चर्चा हुन थालेको छ ।

को हुन् त आङ्देम्बे ?

नेपाली काँग्रेसेको जिल्ला सचिवको जिम्मेवारी सम्हालीरहेका बृजहाङ आङ्देम्बेको जन्म २०२९ सालमा भएको हो । पाँचथरको फाल्गुनन्द गाँउपालिका ७ पिपलबोटेमा परिवारको माहिलो छोराको रुपमा जन्मिएका आङ्देम्बे विद्यार्थीकालदेखि नै काँग्रेसको राजनीतिमा सक्रिय थिए । आङसराङको जयनारायण माविबाट एसएलसी उत्तिर्ण गरेका आङ्देम्बेले दमक क्याम्पसबाट राजनीति शास्त्र बिषयमा आइए सम्माको अध्ययन गरेका छन् । २०५१ सालमा उनी नेपाल विद्यार्थी संघबाट दमक–पाँचथर सम्पर्क समितिको संयोजक भएर काम गरे ।

५०५१ सालमा नेपाली काँग्रेसको क्रियाशिल सदस्य बनेका आङ्देम्बेले नेविसंघ र तरुणदल पाँचथरको उपाध्यक्ष समेत भएर काम गरिसकेका छन् । काँग्रेसको १२ अाैँ अधिबेशनदेखि उनी पार्टीकाे जिल्ला राजनीतिमा उदाएका हुन् । १२ अाैँ अधिबेशनबाट जिल्ला सदस्यमा निर्वाचित बनेका आङ्देम्बेलाई मनोनित गरेर सह–सचिव बनाईएको थियो । १३ अाैँ अधिबेशनमा पनि जिल्ला सदस्य निर्वाचित बनेका आङ्देम्बेलाई सचिवमा मनोनित गरिएको हो ।

हाल सचिवको जिम्मेवारी सम्हालिरहेका आङ्देम्बे पार्टीभित्र संगठन निर्माणमा बफादार भएर लागि पर्ने नेताको रुपमा चिनिएको काँग्रेस सभापति नरेन्द्रकुमार केरुङ बताउँछन् । नरम र मिलनसार स्वभावका आङ्देम्बे कार्यकर्ता र आम जनताबीच लोकप्रिय रहेको बताइएकाे छ । पार्टीभित्र कार्यसम्पादन र निर्णय क्षमतामा अब्बल देखिएका आङ्देम्बेलाई काँग्रेसले फाल्गुनन्दको अध्यक्षको उम्मेद्वार बनाएको हो । फाल्गुनन्दका जनताको प्रिय नेता भएकै कारण उनलाई अध्यक्षको उम्मेद्वार बनाइएको काँग्रेसकाे तर्क छ ।