काठमाडौँ, साउन १३। शुक्रबार बिहान करीब ७ बजेको समयमा घोराही उपमहानगरपालिका–१७ की २७ वर्षीया रीता डाँगीको मृत्युको विषयमा थप रहस्यहरू बाहिर आउन थालेका छन । उनलाई छिमेकी रमिता केसीले आफ्नो श्रीमानसँग शारीरिक सम्पर्क राख्दै आएको आरोप समेत लगाएकी छिन । त्यतिमात्रै हैन उनलाई घरमै आई लछारपछार गरेको कुरा पनि बाहिर आएको छ ।

घरमा भाँडा माझ्न लागेकी रीतालाई जगल्ट्याउँदै कुटपिट गरेर ढलाएको उनकी सासु श्यामकली डाँगीले देखेको बताएकी छिन । छुट्टयाउँन खोज्दा उनलाई समेत घिच्याइएको उनको भनाई छ ।

त्यो देखेपछि रीताका ससुरा पहलबहादुर डाँगी प्रहरी गुहार्न हिँडेको र प्रहरीसहित उनी फर्केर आउँदा रीता घरदेखि करीब सय मिटरको दूरीमा पर्ने रुखमा झुण्डिएको अवस्थामा मृत फेला परेको बताइएको छ ।

रीताका श्रीमान मोहन डाँगी वैदेशिक रोजगारका लागि कोरियामा छन् । उनका ४ वर्षीय एक छोरा छन् । रीताका दाजु चन्द्रविक्रम खड्काले बहिनीको कुटपिटसँगै हत्या भएको भन्दै जिल्ला प्रहरी कार्यालयमा ती दुवै जना महिलाविरुद्ध कर्तव्य ज्यान सम्बन्धि मुद्धा दायर समेत गरेका छन् । आइतबार खड्काले अर्को रहस्य खुलेको बताउँदै मुद्दाले अर्को मोड लिन लागेको बताए ।

कोरियामा रहेका ज्वाइँसँग बुझ्दा रमिता केसीका श्रीमान फर्शुराम केसीले केही समयअघि मेरी बहिनी रीतालाई बलात्कार गरेको र बहिनीले उक्त कुरा ज्वाइँलाई समेत भनेको खुलेको दाजु खड्काले बताएका छन । उनले अब फर्शुराम केसीविरुद्ध पनि मुद्दा दिने सोचमा रहेकाे बताए

घटना यस्तो
घटना एक वर्ष अघिको हो । रीतालाई क्यान्सर भएको हुन सक्ने आशङ्कामा अघिल्लो साउन महिनामा चितवनको भरतपुरमा जचाउँन पठाइयो । छिमेकी मात्र नभई फर्शुराम केसी रीताका माइती तर्फका आफन्त समेत थिए । उनैको साथ लगाएर भरतपुर पठाएका बेला फर्शुराम र रीताबीच अवैध सम्बन्ध रहेको चर्चा चल्न थाल्यो ।

स्थानीयका अनुसार उक्त घटनाबारे गत मंसिर महिनामा समेत स्थानीय अगुवाहरू बसेर आफन्तबीचको कुरा भनेर भित्रभित्रै मिलाइएका थिए । कोरियामा रहेका रीताका श्रीमान मदन डाँगी श्रीमतीबाट थप कुरा खोतल्न फकाउँदै र मोवाईल रेकर्डको प्रयोग गर्दै आइरहेका थिए । पछिल्लो चरण रीतालाई सबै कुरा भन, ‘केही फरक पर्दैन भनेर मन चोर्दै रकर्ड गर्दै गर्न थाले । रीताको पालो पर्शुराम र आफु बीचको सबै कुरा बताइन् ।’

श्रीमती र आफूबीच भएको करिब १५ मिनेटको अडियो श्रीमान मदनले घर पठाइदिए । असार ८ गते राति उक्त अडियो सुनाउँदै रीताका ससुरा र अर्का एक ब्यक्तिले रीतालाई निकै बरेसम्म केरकार र गाली गलौज गरिरहे । त्यतिले मात्रै नपुगेर उनै फर्शुरामको घरमा पुगेर ‘यी हामीले तिमीहरूको लसपस बारे प्रमाण पायौं, रीतालाई तैले स्यहार’सम्म भनियो । त्यहाँबाट उनीहरू करीब ५ बजेको समयमा प्रहरी कार्यालयमा समेत पुगे ।

यता पनि पढ्नुहोस