काठमाडौं,जेठ ३२ । नेपाली गीतसंगीत बजारमा छुट्टै पहिचान बनाएका सर्जक तथा गायक बिनोद ढकालले असारे गित लिएर बजारमा आएका छन । आफ्नै गाउँघरमा रोपाइको अबसरमा गाइने मौलिक लोक भाकालाई टपक्क टिपी शब्दमा सजाएर “मार्सी धान” नामक गीत बजारमा ल्याएका हुन । कलशा देवी ढकाल र बिनोद ढकालको संकलनमा तयार भएको उक्त गीतमा बिनोद ढकाल र रिता बुढाथोकीको आवाजमा सजिएको छ ।

विशेष गरी गोरखा गण्डकी प्रदेशमा प्रचलित मौलिक भाकालाई नेपाली रोपाइ संस्कारको पहिचान र मानो रोपी मुरी फलाउने बेला असार महिनामा रोपाइको अवस्थालाई यस गीतमा देखाईएको छ ।

म्युजिक ल्याबले बजार ब्यबस्थापन गरेको उक्त गीतमा यमन खनालले एरेन्ज गरेका छन भने भिडियोलाइ सुविन दाहालले सम्पादन गरेका छन् । स्थानिय मौलिकतालाई जगेर्ना गर्ने खालको गीत बनेको गायक ढकाल बताउँछन ।