पोखरा,फागुन १४ । आहा रारा गोल्डकपमा नेपाल पुलिस क्लबलाई २-१ गोल अन्तरले पराजित गर्दै क्यामरुनको डफिन्स फ्यामिली क्लब आहा रारा गोल्डकपको सेमिफाइनलमा प्रवेश गरेको छ ।

लगातार राम्रा आक्रमण बनाएको डफिन्सले अर्मेल अहान्डाको पहिलो कर्नर पुलिसको डिफेन्सले सहजै क्लियर गरेपनि त्यसलगत्तै पाएको कर्नरको सदुपयोग गर्दै बिविकले पहिलो गोल गरे ।

त्यस्तै खेलको ९२ औं मिनेटमा नेपाल पुलिस क्लब का सुमन लामाको कर्नरमा सुमन सुवेदीले हेडिङ्ग गोल गर्दै खेललाई १-१ को बराबरीमा पुर्याए ।

त्यस्तै खेलको अतिरिक्त समयको पाचौं मिनेटमा डफिन्सका यानिक ओवाना दोस्रो गोल गरे क्यामरुनको डफिन्स सेमिफाइनलमा प्रवेश गर्‍यो।

खेलको अन्त्यतिर दुवै टिमका खेलाडी सम्हालिन नसक्दा खेल तनावपूर्ण बनेको थियो । तनाव पछि पुलिसका हरि कठायत रेड कार्ड खाँदै अन्तिम समयमा मैदानबाट बाहिरिएका थिए ।
फोटो सौजन्य : गोल नेपाल