थानकोट–नागढुङ्गा–सिस्नेखोला सुरुङमार्गको शिलान्यास कार्तिकमा

  • साझा डबली
  • मङ्लबार, अशोज २८, २०७६
  • काठमाडौं, असोज २८। काठमाडौँ उपत्यका भित्रिने मुख्य नाका थानकोट–नागढुङ्गा–सिस्नेखोला सुरुङमार्गको शिलान्यास कार्तिक ४ गते हुने भएको छ ।

    सुरुङमार्गको पूर्वतर्फको मुख्यद्वार (पोर्टल)मा प्रधानमन्त्री केपी शर्मा ओलीले शिलान्यास गर्ने निर्माण आयोजनाका प्रमुख श्यामप्रसाद खरेलले जानकारी दिए ।

    यो सुरुङमार्ग निर्माणका लागि भएको सम्झौतापत्रको अन्तिम स्वीकृतिका लागि जापान अन्तर्राष्ट्रिय सहयोग नियोग (जाइका) लाई पठाइसकिएको जानकारी दिए । उनले ‘अबको दुई दिनभित्र जाइकाको स्वीकृतिपत्र नेपाल आइपुग्ने भएकाले शिलान्यासको कार्यक्रम तय भएको बताए ।

    यो सुरुङमार्ग निर्माणका लागि असोज ६ गते भौतिक पूर्वाधार तथा यातायात मन्त्रालय अन्तर्गतको विकास सहायता कार्यान्वयन महाशाखा र निर्माणको जिम्मा पाएको हाज्मा एन्डो कर्पोरेसनबीच निर्माण सम्झौता भएको थियो। महाशाखाका प्रमुख अर्जुनजङ्ग थापा र हाज्मा एन्डो कर्पोरेसनका व्यापार प्रवद्र्धन विभाग, अन्तर्राष्ट्रिय महाशाखाका महाप्रबन्धक कियोसी हिरोसेकबीच सम्झौता भएको थियो।

    दुईवटा फ्लाई ओभरसहित निर्माण हुन लागेको सो सुरुङमार्ग अबको ४२ महिनाभित्र सम्पन्न हुनेछ। करसहित करिब १५ अर्ब २५ करोड रुपियाँको लागतमा निर्माण हुन लागेको सुरुङमार्गको निर्माण सम्झौता करबाहेक साढे १३ अर्ब रुपियाँमा भएको हो।

    प्रतिक्रिया दिनुहोस

    सम्बन्धित समाचार

    © 2024 sajhadabali.com All right reserved Site By : SobizTrend Technology