पत्रकार किशोर श्रेष्ठले दिए यस्तो चेतावनी

  • साझा डबली
  • बुधबार, भदौ ४, २०७६
  • काठमाण्डौँ, भदौ ४। शालिकराम पुडासैनी आत्मह*त्या प्रकरणमा थुनामा रहेका टेलिभिजन कार्यक्रम प्रस्तोता रवि लामिछानेकी पत्नी निकिता पौडेलले आफूसहित तीनजना बिरुद्ध जाहेरी दर्ता गर्न खोजेको घटनामा पत्रकार तथा प्रेस काउन्सिलका कार्यवाहक अध्यक्ष किशोर श्रेष्ठले आफ्नो मानमर्दन भएको चेतावनी दिएका छन्।

    उनले सामाजिक सञ्जालमा बुधबार ‘शालिकराम प्रकरणको भिडियो उनकै परिवारबाट पाएर निस्पक्ष र शीघ्र अनुसन्धानको निम्ति त्यसमा आधारित हुँदै हामीले समाचार प्रकाशन प्रशारण गरेको’ उल्लेख गरेका छन्।

    उनले लेखेका छन्, ‘हिजो अधिवक्ता सुनिल पोख्रेल आफैँले चितवनमा पत्रकारहरुका सामु (हामीले शुरुदेखि जे भन्दै आएका थियौं) त्यही भन्नुभएको छ,अर्थात भिडियोका दुई अलग अलग क्लिप्स छन् एउटा ८ मिनेट २८ सेकेन्डको र अर्को ४ मिनेट ५८ सेकेण्डको’

    रविपत्नी निकिताले जनआस्था सम्पादक श्रेष्ठ, नेपाल आज सम्पादक संकेत कोइराला र चितवन एसपी बिरुद्ध भिडियो छेडखानीको आरोपमा जाहेरी दर्ता गर्न प्रयास गरे काठमाडौँ प्रहरीले बुधबार अस्वीकार गरेको थियो।

    श्रेष्ठले लेखेका छन्, ‘आज यसैमा फण्डा मच्चाउँदै केहीले हाम्राबिरुध्द साइबर क्राइमको केस दर्ता गराउन खोजेको सुनियो, पत्रकारले तथ्यमा टेकी लेखेका समाचारउपर मुद्दा दर्ता हुन्छ भने अब यति कुरा सोध्नैपर्ने भयो- म यिनका बिरुध्द केस दर्ता गर्न पुलिसमा जाँदैछु भनी फेसबुकमा पहिले नै स्ट्याटस लेखेर, दर्तै हुन नसकेको, हुन नपाएको केस दर्ता भैसकेको होहल्ला गराएर सामाजिक र सार्वजनिक रुपमा हाम्रो मानमर्दन गर्नेहरुबिरुध्द अब के हुन्छ?’

    प्रतिक्रिया दिनुहोस

    सम्बन्धित समाचार

    © 2024 sajhadabali.com All right reserved Site By : SobizTrend Technology