मेस्सीको कप्तानीमा अर्जेन्टिनी टोली घोषणा, अरु को-को ?

  • साझा डबली
  • बुधबार, जेष्ठ ८, २०७६
  • एजेन्सी। लियोनेल मेस्सीको कप्तानीमा अर्जेन्टिना फुटबल एसोसिएसन (एएफए) ले आसन्न कोपा अमेरिका फुटबलको लागि टोलीको घोषणा गरेको छ ।

    मुख्य प्रशिक्षका लियोनेल स्कालोनीले स्टार फरवार्ड लियोनेल मेस्सीलाई टोलीमा समावेश गर्दै उनकै कप्तानीमा २३ सदस्यीय टोलीको घोषणा गरेका छन् ।

    प्रशिक्षक स्कोलानीले मंगलबार राति ४० खेलाडीबाट २३ सदस्यीय टोलीको घोषणा गरेका हुन् । मेस्सीले २०१६ को कोपा अमेरिका फाइनलमा पराजित भएपछि राष्ट्रिय टोलीबाट सन्यासको घोषणा गरेका थिए ।

    त्यतिबेला अर्जेन्टिना पेनाल्टी सुटआउटमा चिलीसँग पराजित भएको थियो । तर, त्यसपछि अर्जेन्टिनी सरकार र फुटबल समर्थकको आग्रहमा उनी पुनः राष्ट्रिय टोलीमा फर्किएका थिए । रसिया विश्वकप समेत खेलेका मेस्सीले त्यसयताका केही खेलमा भने विश्राम लिएका थिए ।

    २३ सदस्यीय टोलीमा यसपटक पाउलो डिबाला र सर्जियो अगुएरोले स्थान बनाउन सफल हुँदा अर्काे स्टार फरवार्ड मौरो इकार्डीले टोलीमा स्थान बनाउन सकेनन् । इटालियन क्लब इन्टर मिलानका कप्तान समेत रहेका उनले राम्रो प्रदर्शन गर्दै आएका छन् । अगुएरो रसिया विश्वकपपछि पहिलोपटक टोलीमा स्थान बनाउन सफल भए ।

    कोपा अमेरिका जुनमा ब्राजिलमा आयोजना हुदैछ । समूह ‘बी’ मा रहेको अर्जेन्टिनाले कोलम्विया, पाराग्वे र पाहुना टोली कतारसँग प्रतिस्पर्धा गर्नेछ ।

    पुर्ण टोली
    गोलरक्षक– फ्रान्को अर्मानी (रिभर प्लेट), अगस्टिन मार्चेसिन (क्लब अमेरिका), इस्टेब्यान एन्ड्राडा (बोका जुनियर्स)
    डिफेन्डर – निकोलस ओटामेन्डी (म्यानचेस्टर सिटी), रामिरो फुनेस मोरी (भिल्लारियल), मार्काेस अकुना (स्पोर्टिङ लिस्वन), निकोलस टागलियाफिको (आयाक्स), जर्मन पेज्जेला (फ्लोरेन्टिना), रेन्जो साराभिया (रेसिङ), जुवान फोयथ (टोटेनहम)
    मिडफिल्डर – एन्जल डि मारिया (पीएसजी), रोबर्टाे पेरेरा (वाटफोर्ड), जियोभानी लो साल्सो (रियल बेटिस), लियान्दो पाराडेस (पीएसजी), रोड्रिगो डि पल (उडिनेसी), गुइडो रोड्रिग्वेज (क्लब अमेरिका), इजेक्वेल पालासियोस (रिभर प्लेट)
    फरवार्ड – लियोनेल मेस्सी (अर्जेन्टिना), सर्जियो अगुएरो (म्यानचेस्टर सिटी), पाउलो डिबाला (युभेन्टस), लौटारो मार्टिनेज (इन्टर मिलान) र माटियस सुवारेज (रिभर प्लेट)

    प्रतिक्रिया दिनुहोस

    सम्बन्धित समाचार

    © 2024 sajhadabali.com All right reserved Site By : SobizTrend Technology